جمعه, 07 ارديبهشت 1397 | Login
ایرج امامی

ایرج امامی مطلب ویژه

گؤزلريم تئللرینی هئی مله‌ییر به به به
و تئلین آخشامیمی خئیمه‌له‌ییر به به به


قارا قورخو داراشیبدیر شهریمده پولیسه
خیاوانلار ماشینا قان چیله‌ییر به به به


و عجم دیللی بیر اوغلان دانیشیر بوردا عرب
کی دیلینده نئچه یاسین له‌له‌ییر به به به


آتلی داعیشلری آه... تاپشیریرام گؤزلرینه
اودو گؤزلر عراغی سیلکه‌له‌ییر به به به


آه... آدیندان ایکی کلمه یازیرام جادده‌لره
تیرافیکلر یولاغی سورمه‌له‌ییر به به به


عیبری اوغلان یئنه تورکجه سئویشیر سامی قیزین
و ژاپون فلسفه‌لی سئوگیله‌ییر به به به


نمینین داغلاری سنده بویانیبدیر سوکوتا
اللرین اردبیلی کؤلگه‌له‌ییر به به به


مشگینین باغری قان اولموش سنه بیر تای گتیره
داراشیبدیر اؤزونو گولله‌له‌ییر به به به


کندینین آه... یارالی اللرینه آند ایچیرم
گؤزلرین بو غزلی دویمه‌له‌ییر به به به
دومان یالچین


1394-04-30 دوغوم گونومده! سئودیییم اینسانین گولن گؤزلرينه...

About Author

نظر دادن

از پر شدن تمامی موارد الزامی ستاره‌دار (*) اطمینان حاصل کنید. کد HTML مجاز نیست.

طراحی و توسعه توسط رافق مجتهدزاده خیاوی