جمعه, 07 ارديبهشت 1397 | Login
رامین جهانگیرزاده

رامین جهانگیرزاده

چكيلين قيراغا، قورباغالار آغ قانادلي آتلارين اوستونه مينيب، اوستوموزه گليرلر
...
پاشانين پوشكونه پئشمانچيليق دوشسه، ده‌ده‌شين قوپوزو باشيندا سينار. سيمي سيميني قاريشديرار. قاريشقاني جانينا سالار. قاراسيني آغينا قارا ياخانين عؤمرو قارا اولار. دوللار عوضينه يورو آليب باش گؤتوروب گئدر آفريقايا. آفريقادا كرگدنلر بوينوزلاريلا هر نه‌يي اونا آنلادار. اونون آياغي باشيندان قاباق قاچار آفريقادان.
آفي اوفونا قاريشانين قيريشيني اوتوله‌سن ده، صاف اولماياجاق قيريشلاري. ميريشين مارشينا دولاشانين گؤزونه چؤپ دوشر. دئشيك آختارار، خيرا بازاريندان باش چيخارديب، چؤمچه باليغينا چئوريلر. چميني ايتيريب، آت باليغينا دؤنر. دؤنر عوضينه پيتزا يئير. پيتي‌سي ايچينده قاينايار.
قيريلميشلارين قارشيسيندا دايانماق، ده‌ده‌شين قوپوزونو سينديرماقلا آربادير. آراباسي خاراباليقلاردا قالانين آتينين نالي چوخداندير كي چورويوب. چكيلين قيراغا، قورباغالار آغ قانادلي آتلارين اوستونه مينيب، اوستوموزه گليرلر. گولوشون آغزي بير مئتير آچيلاندا، آدامين آدامليغي ياديندان چيخير. چنه‌سي قيفيللانير. قافيه‌ني ايتيريب، هر نه‌يي بيتيرير. بيتين بالاسينين كئفي بيتديلي چالاندا، ميغ ميغالار آت ميلچه‌ييني مينيب، رجز اوخويارلار ميداندا. دئييرلر مال ميدانيندا قويونلارين سايي ماللاردان چوخ اولار. ايت ميدانيندا سا ايت بوغوشدورانلارين سايي ايتلردن چوخ اولار. اولوب اولماماق مسئله بودور، آياغي بودره‌يه‌نين قوموجو باتماغينا هئچ بير سؤز يوخدور. سؤز دانا باش كندي و قونشولوغوندا اولان قاسيم بالا كندينين احوالاتيندان گئدير. قاسيم بالا كندينده قاسيمين قيسيلميش جسديني تاپيب، آپاراندان سونرا، ايت آپاران اولسون دئديلر قاسيمي آپارانلارا. په‌په‌لري كسيلسين يئرري ديبلي. دبك پاپالارينين پاخلا بئيين باشلاري داغيلسين.

 

About Author

انجمن ادبي بولاق با دو كارگاه شعر و داستان نويسي به ترتيب در روزهاي دوشنبه و چهارشنبه از ساعت 16 الي 18 در كتابخانه اداره ارشاد اسلامي شهرستان مشگين شهر، طبقه همكف تالار انديشه در اتاق انجمن برگزار مي شود و شركت براي عموم آزاد است.

نظر دادن

از پر شدن تمامی موارد الزامی ستاره‌دار (*) اطمینان حاصل کنید. کد HTML مجاز نیست.

طراحی و توسعه توسط رافق مجتهدزاده خیاوی