جمعه, 07 ارديبهشت 1397 | Login
SALiH POLAD

SALiH POLAD

آنادولو توركجه‌سيندن اويغونلاشديران: بولاق

قرنفيل


دئمك گلدين
چوخداندير هئچ بير يئرده‌ايدين
نه قدر ده‌ييشمه‌ميسن
اللرين نه قدر ايزديهام
گؤزلرين نه قدر آنسيزين
سني بئله ده‌ييشمه‌ميش گؤرمه‌ديم هئچ

دئمك گلدين
بو شهر بورادا هر زامانكي ايلكه‌سيزليييني ياشايير
بير بازار هر گون اؤلوب-اؤلوب ديريلير
راديودا ياخشي آيارلانماميش بير ايستاسيون
كيمي اينسانين سينيرينه توخونان سسيله
بو شهر بورادا هر زامانكي ايلكه‌سيزليييني
دئمك گلدين
چوخداندير هئچ بير يئرده‌يدين

سن دنيزه باخيرسان يا
من سنه عشقلري آنلاتماق ايسته‌ييرم
اونودولموش ناغيللاري
اونودولموش ناغيللارداكي عشقلري آنلاتماق ايسته‌ييرم
سن دنيزه گئديرسن يا
من سنه هر كسدن اؤنجه آزاد اولماق اوچون
محكوم رانزالارينداكي چه‌نتيك‌لردن اوغورلاييب
اؤز چه‌نتيك‌لريمي قاتديقلاريمي
آنلاتماق ايسته‌ييرم
چارپيب دايانان بير پنجره قانادي كيمي
چارپان اوره‌ييمي
سن دنيزه باسديريليرسان يا
بير قر‌نفيل قالير
گيردابيندا


رانزا: گمي، ترن، يئرلرده اوست اوسته ياپيلان ياتاق يئري
چه‌نتيك: بير شئيين كناريندان كسيله‌ن و يا سيناراق آچيلان بالاجا كرتيك، تيرتيك


QƏRƏNFİL - SALiH POLAD

demək gəldin
çoxdandır heç bir yerdə idin
nə qədər dəyişməmisən
əllərin nə qədər izdiham
gözlərin nə qədər ansızın
səni belə dəyişməmiş görmədim heç
demək gəldin

bu şəhər burada hər zamanki ilkəsizliyini yaşayır
bir bazar hər gün ölüb ölüb dirilir
radioda yaxşı ayarlanmamış bir istasyon
kimi insanın sinirinə toxunan səsiylə
bu şəhər burada hər zamanki ilkəsizliyini
demək gəldin
çoxdandır hiçbiryerdeydin


sən dənizə baxırsan ya
mən sənə eşqləri anlatmaq istəyirəm
unudulmuş nağılları
unudulmuş nağıllardakı eşqləri anlatmaq istəyirəm
sən dənizə gedirsən ya
mən sənə hər kəsdən əvvəl azad olmaq üçün
məhkum ranzalarındaki çəntiklərdən oğurlayıb
öz çəntiklerime qatdıqlarımı
anlatmaq istəyirəm
çarpıb dayanan bir pəncərə qanadı kimi
çarpan ürəyimi
sən dənizə basdırılırsan ya
bir qərənfil qalır
girdabında

About Author

انجمن ادبي بولاق با دو كارگاه شعر و داستان نويسي به ترتيب در روزهاي دوشنبه و چهارشنبه از ساعت 16 الي 18 در كتابخانه اداره ارشاد اسلامي شهرستان مشگين شهر، طبقه همكف تالار انديشه در اتاق انجمن برگزار مي شود و شركت براي عموم آزاد است.

نظر دادن

از پر شدن تمامی موارد الزامی ستاره‌دار (*) اطمینان حاصل کنید. کد HTML مجاز نیست.

طراحی و توسعه توسط رافق مجتهدزاده خیاوی