جمعه, 07 ارديبهشت 1397 | Login
Həsən Hüseyn Korkmazgil

Həsən Hüseyn Korkmazgil مطلب ویژه

آنادولو توركجه‌سيندن اويغونلاشديران: بولاق

آجيلارا ياپيشماق

آجي چكمك اؤزگورلوكسه

اؤزگوردوك ايكيميز ده

او يوواسيز توراغاي

منسه قفس‌ده قناري

او گزميش بوداقدان بوداغا

سووورموش اوره‌ييني

من بؤلموشم اوره‌ييمي

باش قالديران سطيرلره

قوووشماق اؤزگورلوكسه

اؤزگوردوك ايكيميزده

اللري چيغليق-چيغليق(1)

يان-يانا ايكي دونيا

ايكيميز ايكي داغدان

ايكي هيرچين(2) سو كيمي

آخيب گلميشديك

گؤروشموشدوك بير قووشاق‌دا(3)

اونوتموشدوق آيريليغي

يوخ سايميشديق داريخماغي

ماهنيميزا دالميشديق

موتلولوق ماوي اوشاق

اويناياردي باغچاميزدا

آختارماق‌ميش اويسا سئومك

داريخماق‌ميش اويسا سئومك

تاپيب-تاپيب ايتيرمك‌ميش

دوش‌سل بير اويونجاغي

يالانميش هاميسي يالان

سئومك دئيه بير شئي واردي

سئومك دئيه بير شئي يوخموش

آغريلاردان آرتيق قالان

ايشده بو باخيشلارميش

كوغو(4) دئيه گؤزلريمده

گون باتيمي بولودلارميش

يالانميش هاميسي يالان

سوورولوب گئتمك وارميش

آيري يؤرونگه‌لرده(5)

آجي چكديم گونلرله

آجي چكديم سوساراق

بو قيساجيق قوناقليق‌دا

زلزله قاريشيقليغيندا

ياشاديم بير نئچه مين ايل

آجيلارا ياپيشاراق

آجي چكمك اؤزگورلوكسه

اؤزگوردوك ايكيميزده

 

(1) چيغليق: آجي، اينجه و ايتي سس، فرياد، فغان

(2) هيرچين: بليرلي بير سببي اولمادان سينيرلنيپ خاسيت‌سيزليك ائد‌ن

(3) قووشاق: آخار سو، يول كيمي اوزانيب گئدن شئيلرين كسيشديكلري و يا بيرلشديكلري يئر.

(4) كوغو: پرده آياق‌ليلاردان، چؤل و ائوجيل تورلري اولان، چوخ اوزون و قيوريق بويون‌لو، گئنيش ديمديك‌لي، گئنيش قانادلي بير سو قوشو

(5) يؤرونگه: بير گؤي جيسيمينين حركتي سورئ‌سين‌ده ايزلديي يول.

 

ACILARA YAPIŞMAQ

acı çəkmək özgürlüksə

özgürdük ikimiz də

o yuvasız torağay

mənsə qəfəsdə sarıbülbül

o gəzmiş budaqdan budağa

sovurmuş ürəyini

mən bölmüşəm ürəyimi

baş qaldıran sətirlərə

qovuşmaq özgürlüksə

özgürdük ikimizdə

əlləri çığlıq çığlıq

yan-yana iki dünya

ikimiz iki dağdan

iki hırçın su kimi

axıb gəlmişdik

görüşmüşdük bir qovşaqda

unutmuşduq ayrılığı

yox saymışdıq darıxmağı

mahnımıza dalmışdıq

mutluluq mavi uşaq

oynayardı bağçamızda

axtarmaqmış oysa sevmək

darıxmaqmış oysa sevmək

tapıb tapıb itirməkmiş

düşsəl bir oyuncağı

yalanmış hamısı yalan

sevmək deyə bir şey vardı

sevmək deyə bir şey yoxmuş

ağrılardan artıq qalan

işdə bu baxışlarmış

kuğu deyə gözlərimdə

gün batımı buludlarmış

yalanmış hamısı yalan

sovrulub getmək varmış

ayrı yörüngəlerde

acı çəkdim günlərlə

acı çəkdim susaraq

bu qısacıq qonaqlıqda

zəlzələ qarışıqlığında

yaşadım bir neçə min il

acılara yapışaraq

acı çəkmək özgürlüksə

özgürdük ikimizdə

 

 

çığlıq: Acı, incə və iti səs, fəryad, fəğan

hırçın: Bəlirli bir səbəbi olmadan sinirlənip xasiyyətsizlik edən

qovşaq: Axar su, yol kimi uzanıb gedən şeylərin kəsişdikləri və ya birləşdikləri yer.

kuğu: Pərdə ayaqlılardan, çöl və evcil türləri olan, çox uzun və qıvrıq boyunlu, geniş dimdikli, geniş qanadlı bir su quşu

yörüngə: Bir göy cisiminin hərəkəti süresində izlədiyi yol

نظر دادن

از پر شدن تمامی موارد الزامی ستاره‌دار (*) اطمینان حاصل کنید. کد HTML مجاز نیست.

طراحی و توسعه توسط رافق مجتهدزاده خیاوی