جمعه, 07 ارديبهشت 1397 | Login

زامان

پنج شنبه, 08 مرداد 1394 00:48

زامان پاشازاده

سئناریشعر(1)


"دوغوم"
ایچری / گئجه / دوغوم ائوی
ایشیق ایذینسیز جومور گؤزلریمیزه
یئنی جه گؤز آچمیش کامئرادان زیلله نیریک دووارداکی ساعاتا
ساعات ایگیرمی دؤردو تله سیر...
ایچری / گونوز / دوغوم ائوی
چئشیدلی آچیدان اوزوموزه زیلله نیر کامئرالار
یورودوکجه اوستوموزه دوداقلاری یئکه لیر
اؤپولوروک
اؤیولوروک
اؤؤؤؤ
بورنوموزدان گلیر آنا سودوموز
زامان آغزیمیزین آغوز زامانی.
ماوی بویالی ایستامپ گوپسه نیر آیاغیمیزین آلتینا
قاچارساق ماوی ماوی ماوی قاچاجاییق آغ دوشه مه لرین اوزه رینده
قاچارساق دوغوم ائوینین کامئرالاری آرخامیزجا قاچاجاق...
یوخلانیلیر تمل حوجئیره لریمیز
یوخلانیلیر ساغلاملیغیمیز
یوخلانیلیر ساغماللیغیمیز
یوخلانیلیر وارلیق.
ایچری / گئجه / ائو
زیلله نیریک دووارداکی ساعاتا
آغ بیر پیشیک دیر آغزینی آچمیش بوللاییر سارقاجینی
هیپنوز ائدیر گؤزلرمیزی گئدیب-گلن قویروغو
ساعات ایگیرمی دؤردو...
گئری گئری گئریه دؤنور فیلم
کامئرالار ایتیر دوماندا.
زامانسیز / ایچری / ایچ
جنینده بیر بودا هئیکلی ییک بوینوموزدا گؤبک باغیندان بیر بویونباغی
آیاغیمیزین آلتیندا دوغوم چارپاییسی...

1393-قیش

طراحی و توسعه توسط رافق مجتهدزاده خیاوی