جمعه, 07 ارديبهشت 1397 | Login

اومود نجاری

دوشنبه, 29 تیر 1394 01:50

اومود نجاری

Omid Najjari

 اونون تنهالیق اوتاغیندا اؤنجه قوش اوچدو سونرا گؤی اوزو

من اؤنجه
اونوتدوم اوره ک چانتامی، گؤزلرینین تاکسی سینده
سونرا اؤزومو اونوتدوم بو شهرین حسرت کافه سینده
دردین نئچه هیجاسی، اولدوغونو بیلمیرم
من بیلمیرم آی ایشیغیندا اؤلن اینسانلاری
بیلمیرم آغلایان کس لرین حیکایه سینی
آما تکجه بیریسی وار یئر اوزونده
فرقیلی آغلاییر
او هئچ بیر داش کیمی داریخمیر
بو یوللاردان هئچ بولود کیمی کئچمیر
او دانیشیر یارالاریندان قارانلیغا
یازیلارییلا روح وئریر کاغیذلارا
او آللاه لیق ائدیر سؤزجوکلرینه
هر یازینین قولاغینا سسله نیر
اونودولاجاغیق بیر گون
اگر یان یانا بیر دنیز قیراغیندا،گون باتیسینی سیر ائتمه یک
سیلینه جه ییک یاغشین داملالاری ایلا
اگر اوتاقیمیزدا دیوارلارا بیر واراق شعیر وورمایاق
اگر آینادا بیر گون اؤزوموزه قاناد چیزمه یه ک اونودولاجاغیق او بیلیر
اونون ایشی
اوچورتمالارا گؤی اوزو وئرمک دیر

Umud Neccari

طراحی و توسعه توسط رافق مجتهدزاده خیاوی