جمعه, 07 ارديبهشت 1397 | Login

معصوم جبارپور

شنبه, 13 تیر 1394 15:45

معصوم جبارپور

بیریسینی سئودیم، بلکه بوم بوش بیر سئوگی!
***
چاخماغینی اونوت
گؤزلری‌نین قیغیلجیمینی قوللان
قایغی دولوسو_
باکیره قادینین
دوداقلارین
لیریک سؤزلره تیکیلمیش زاماندا
اودا چک
آلوولاندیر
سیم سیجاق هوسینله
اودا چک،
شهوتله دولو بیر اؤپوجوک‌له
یاناقلاریمین لاله‌رین در سه‌نه
اوتانماق‌می گرکیر؟
باخسانا_
گئردگ گئجه‌سی
وارلیغین
گونده‌لیک‌لره بولاشان بیر گئجه‌نی ایشیقلاندیراجاق
کئدرلی بیر قادینین قاب_ قارا
گئجه سینی.
من بیر قادین
یاس تؤره‌نی باشچیسی‌یام هر گئجه
آغ مله‌فه‌لر قان آغلاماغا حسرت قالدیقجا
پنجره‌لر دامجی دامجی
یاشا بوغولورلار!
من
حسرت دولو
بوش یاتاقلارین
گلینجیگی‌یم!
آغلا بوشلوغوما_
بوم بوش یاتاغیم
آغلا
آغلا !

معصوم

طراحی و توسعه توسط رافق مجتهدزاده خیاوی