جمعه, 07 ارديبهشت 1397 | Login

بولاق

انجمن ادبي بولاق با دو كارگاه شعر و داستان نويسي به ترتيب در روزهاي دوشنبه و چهارشنبه از ساعت 16 الي 18 در كتابخانه اداره ارشاد اسلامي شهرستان مشگين شهر، طبقه همكف تالار انديشه در اتاق انجمن برگزار مي شود و شركت براي عموم آزاد است.

شنبه, 13 تیر 1394 15:45

شهرزاد شكرزاده

اوزون یول دان گلمیشم
چانتام بوش
سؤزجوك لر دوشوب
ايتگين اولوب لار
سوسوز, دوداغي چارتلامیش شورانلیق لارین
ایستی سیخینتی سیندا
کدر دن بوش بیر کؤنول
قوناق گتيرميشم
یونولموش بیر آیا
نئچه ایشیق ایلی چکه جک
فیرتینالار هاراییندا
سورگون بیر اولدوزون دولانیب
باخینجی سیندیراراق
اتاغیما توللانماسی
آی بوزاریب
یئل سیلکه له ییر گئجه نین دیکج لرین
و قوجا آغاجین یاش یارپاقلاریندان
یئره کؤچموش اولدوزلار
سوزوب،تؤكولورلر
آی اوشور
اولدوز دوشور
سؤزجوك دوشور
و اسكي شورانلیق لارین آجی دادی
یاشلادیر دوداقلاریمی
سؤنموش اولدوزلارى تاپانمییاجام
گونش ایشیغینین چیرتلاماسیندا
گؤزلريمي يوماراق اؤلجام
نئچه ایشیق ایلی چکه جک بیلمیرم
اما گینه یونولموش بیر آی چیخیب
قیزارداجاق
دیوارلارین یاناق لارین
من گینه آییلاجام اؤلومدن
اولدوزلارين يئنی دن چیچکلنمه سینده
و اونودولموش سؤزجوك لری باخینجا دوزوب
اؤزومو خاطيرلاياراق
اوزون شعر لر يازاجام

 

شنبه, 13 تیر 1394 15:45

سحرخیاو

ائله بئله رادیو نون بیرینجی یاییمینی بوردان ائندیریب دینله یه بیلرسیز:


http://4upld.com/Tg5g

سايين سئويملي آيين شايين دان اوستاد شهريارين ال يازماسيني بيزه گؤندردييي اوچون چوخ تشككور ائديريك.

دست خط شهريار به فَرين صمصامي دختر مريم جهانگيري: (غزل بالا را بعنوان يادگار در دولتمنزل دوست صاحبدل و صاحبنظرم حضرت سرگرد اميني از در كتابچه دوشيزه بسيار عزيز «فرين صمصامي» كه گذشته از لطافت و مكارم خود يادگار يك بانوي شاعره بلند مقامي هستند « كه مرحومه مريم جهانگيري مادر ناكامشان باشد» نوشته و با تمام شوق خود تقديمشان ميدهم ـ رضائيه ـ  مرداد 1334 امضاء سيدمحمد حسين شهريار)

فَرين خانيم صمصامي آذربايجانين بؤيوك شاعيري مريم جهانگيري نين قيزي دي فَرين خانيمين اينديليكده 75 ياشي وار و شعرلريندن بيرنئچه سي باكي دا و كانادا دا چاپ اولوب.   


اورمو گؤلونه سونولور

«جنت قوشوم»

جنت قوشوم، گؤزل گؤلوم
آغ ساچيني يولوب گئتدين
داشلارا سردين گئتدين
دوداقلاريندا اؤپوجوك
ساحيلي اؤپدون گئتدين
بيرده دؤنوب، باخيب گئتدين

«حسرت»
بو دونيانين آدي حسرت
گئدنلرين يوكو حسرت
قالانلارين پايي حسرت
گولوب، سوسوب، آغلاسامدا
بو دونيانين آدي حسرت

جمعه, 12 تیر 1394 00:00

ایرج امامی

اين جلسه نيز مطابق معمول با داستان‌خواني اعضاي انجمن شروع شد كه در ابتداي اين جلسه مهمان ويژه برنامه خانم ساچلي عباس‌زاده داستان نويس 8 ساله داستان خود را قرائت كرد و مورد تشويق و شگفت اعضاي انجمن شد. اين جلسه با داستان خواني آقاي توحيد فتاحزاده و غفور اماميزاده ادامه يافت، بعد از نقد و بررسي داستانها، اعضاي انجمن از زحمات و تلاش‌هاي آقاي دومان يالچين(ايرج امامي) تجليل نمودند. گفتني است كه ايرج در مدت زمان كوتاهي كه شروع به فعاليت در زمينه شعر و داستان نموده است موفقيت هاي چشمگيري كسب كرده و در مراسمات و برنامه‌هاي متعددي از جمله برنامه‌هاي راديويي و تلوزيوني شبكه استاني اردبيل حضور داشته و اشعارش را ايفا نموده است. در انتها نيز خانم پروين قاسمي متن ادبي تقديمي خود را در حضور اعضا براي اين شاعر و نويسنده مشگين‌شهري قرائت نمودند و جلسه با داستان خواني و نقد داستان اين نويسنده خاتمه يافت.
دومان يالچين(ايرج امامي) متولد 1368 بوده و از سال 1390 دست به قلم برده و شعرهايي در قالب هاي غزل، قوشما، گرايلي و سربست سروده است و به گفته خودش عاشق گرايلي بوده و يكي از شاعران موفق در نوشتن گرايلي است.
اي اصالت زندگي، اي تولد يافته از والاترين امتياز توانايي، نفسهايت انعكاس لحظه هاي شكوفايي است، گام هاي پرتوانت ...در مسير بي نيازي ، فراتر از اوج را مي پيمايد، تو...ارمغاني از شهر انديشه هايي ، كه كليد خواهم توانست را به دستان داري، پرنده ي اميدي... كه ديگران پرواز را از تو خواهند آموخت ، در وجب وجب احساس ها ،بوته هاي افتخارت روئيد....،بر تو مبارك باشد ، اين تجلي گاه صبر و شكيبايي ، و اميد بر آنم ،كه درخت انديشه ات ، لب بر خشكي نرساند.......

پروين قاسيمي 93.09.12

عكس: حامد نكته سنج

جمعه, 12 تیر 1394 00:00

نسرین امامیزاده

جلسه شعر انجمن ادبي بولاق مطابق معمول دوشنبه‌ها در تالار انديشه اداره ارشاد برگزار گرديد. اين هفته نيز مطابق معمول با شعرخواني اعضاي انجمن شروع شد. جلسه با شعرخواني شاعران، خانم ليلا موسوي، آذر صحت، پروين قاسمي، نجيبه رستم‌اوغلي اشعارشان را آغاز شد. سپس مراسم تجليل از خانم «نسرين امامي‌زاده» مشاور و مدرس دانشگاه‌هاي پيام‌نور، آزاد و مدارس شهرستان مشگين‌شهر، نويسنده و مترجم كتاب «غلبه بر بيماري ام‌اس» در حضور اعضاي انجمن و مهمانان بعمل آمد، كه در ادامه اين برنامه اعضاي انجمن(خانم رستم‌اوغلو و پروين قاسمي) شعرهايشان را در خصوص فعاليت‌هاي چشمگير اين نويسنده به ايشان تقديم نمودند. در ادامه اين جلسه پربار آقايان دومان يالچين(ايرج امامي)، ايلقار موذن‌زاده، غفور امامي‌زاده و ابراهيم‌اوغلو شعرهاي خود را قرائت كرده و جلسه با شعرخواني خانم‌ها زهره امامي و طاهره چاكري پايان يافت. گفتني است خانم امامي‌زاده بيش از 40 مقاله در مجله‌هاي مختلف ويژه بيماري ام.اس به ثبت رسانده و چندين كتاب به شرح زير به منتشر نموده و چندين اثر نيز در دست چاپ دارند:

1-    غلبه بر بيماري ام.اس (ترجمه)
2-    آموزش يوگا براي كودكان (ترجمه)
3-    فراسوي هر درد رازي است (شعر و دلنوشته)
4-    زندگي با طعم عشق (آماده چاپ)
5-    شفاي بيماري با سم¬زدايي بدن (در دست ترجمه)

-    دبير سرويس بين‌الملل ام.اس كه توسط متخصصان مغز و اعصاب كار مي‌شود
-    مترجم سايت ام.اس سنتر و ارائه آخرين تحقيقات و اخبار در رابطه با بيمار
-     چاپ مقالات تخصصي در ماهنامه پيوند
-    چاپ مقالات تخصصي در مجلات رشد آموزش ابتدايي و رشد مشاور
-    چاپ مقالات تخصصي در ماهنامه شادكامي
-    دارنده عنوان مقاله برتر و سخنراني و ارائه آن در 16 همايش ملي
-    مدرس دانشگاه آزاد و پيام نور شهرستان مشگين‌شهر
-    مشاور تحصيلي برتر در آموزش و پرورش و كسب عنوان مشاور برتر كشوري در سال 93 و مصاحبه در اين رابطه
-    چاپ مقالات متعدد در روزنامه‌هاي همشهري و اطلاعات
-    انتشار بيش از 40 مقاله در مجلات تخصصي

جمعه, 12 تیر 1394 00:00

علی پرمهر

علي پرمهر متولد روستاي پرمهر از توابع بخش موران شهرستان گرمي ساكن تهران.

علي صداي بسيار زيبايي دارد و با صداي مخملين و گوش نواز خود توجه همگان را جلب كرده است. او سعي دارد در كارهايش نوآوري و خلاقيت به خرج داده و ترانه‌هايي با محتوا و سبك‌هاي مدرن‌تري را كار كند. علي خود هميشه تاكيد به اين نكته دارد كه هدف من ارائه و خلق كارهاي مدرن و با محتواي موسيقي فاخر آذربايجاني در سبك پاپ است. آقاي پرمهر در عرصه موسيقي با حسين خواجه اميري(استاد ايرج)، محسن چاوشي، فرزاد فرزين، علي عبدالمالكي و...همكاري داشته است. و عضو خانه موسيقي تهران است. اما به گفته خودش از اين پس اجراها و كارهايش در قالب موسيقي پاپ آذربايجاني خواهد بود.

از لينك زير موسيقي «سنه گؤره» را از اينجا مي توانيد دانلود كنيد.

پنج شنبه, 02 فروردين 777 00:00

ایلقار موذن زاده

شعریمیزده آرکیتایپ دوشونجه لر

(سايين «ليلي كحالي»‌نين شعرينين اينجه‌له‌مه‌سيله بيرگه)

منيم بو شعرده كي تنقيد مئتودوم و باخيش‌بيچيميم(رويكرديم) روحسال‌چؤزومله‌مه(رويكرد‌ روانكاوانه) و يونگ آچيقلاديغي  آرخاتيپ‌باخيش‌بيچيمي(نقد روانكاوانه با رويكرد كهن الگويي) اولاجاقدير. باشقا باخيش بيچيملرينه ده توخوناجاغام.
سايين «كحالي»نين شعري آلما ايله باشلايير. فولكولور ادبياتيميزدا گئنيش فلسفي و ميفولوژيك دوشونجه‌لر داشيان آلما، بوردا اساس بير رول اوينايير. يايين سونلاري و پاييزين باشلانيشيندا دريلن آلما، سئوگي‌ سيمگه‌سيني داشييير. ميفولوژيك دوشونجه‌لرده ياي فصلي «رمانس» سيمگه‌سي و سئوگي فصلي‌دير، پاييز فصلي ايسه تراژدي. «رمانس»لا «تراژدي»نين برزخينده دوغولان آلما، بشريت‌ين ايلك ائحتياج فاكتورلاريندان بيري اولان «سئوگي مقوله‌سي»نين ادبيات آلانيندا گؤسترگه‌سي‌دير. دئمك اينسانين روحسال ايسته‌ييني يانتيلايا بيلن بير دويغونون سيمگه‌سي. اؤنجه ايسترديم يونگ آچيقلاديغي آرخاتيپ(كهن الگو) و كاللئكتيوبيلينج‌ديشي(ناخودآگاه جمعي) باره ده بالاجا بير آچيقلاما وئريب، سونرا دا بو آچيدان شعره باخام. آرخاتيپ حاقدا چئشيدلي كيتابلاردان اوخودوغوم عمومي دوشونجه‌لريمي پايلاشيرام دئمك.*
«كارل گوستاو يونگ»ون دئدييينه گؤره كوللئكتيو‌بيلينج‌ديشي، اينسان و يا حيوان يادداشيندا قئيدلي و ياشاديغي كولتوره سؤيكه‌نه‌ن هر جور ايمگه‌لر، سيمبوللار، ديل و باشقا تجربه‌لري قاپسايير و بو تجربه‌لري اؤز-اؤزونه نئجه تشكيل ائتدييني آراشديرير. يونگ كوللئكتيوبيلينج‌ديشي‌ني، آداما بوتون تجربه‌لري قاپسايان فردي‌بيلينج‌ديشيندان(ناخودآگاه فردي)دن آيري توتور. كوللئكتيو‌بيلينج‌ديشي، بوتون بير تورون فردي تجربه‌لريني بير آرايا گتيريب اورگانيزه ائدير.
فولكولوروموزدا سئوگي سيمبولو اولان آلما، تاريخ بويو آذربايجان كولتورونو ياشايان اينسانين بيلينج‌ديشيندا يئرلشديريليب، يارانيب، تاريخ بويو حتي ژنتيكي كدلارلا و ذهني بير اولايلارلا ايندي كي نسله يئتيشيبدير. ادبيات دونياميزدا مينلر متن ايچينده، شعر، ناغيل اولاراق يازيليب، هله ده يازيلير. (بو باره‌ده ميفولوژيك آچيدان باخيليب يازيلميش، «بير اوجاقدا ايكي كول توپاسي» سايين‌لار كيان‌خياو و رقيه‌كبيري‌نين اورتاق اثرينه‌ده ايشاره ائتمك اولار.) دئمك بو ميفولوژيك و آرخاتيپ دوشونجه‌لر، چوخ اوزاق زامانلاردان اينديه قدر، بئينين درينلييينده و اينسانين هانسيسا بيلينجينين آلت قاتلاريندا يئرله‌شيبدير. كوللئكتيو‌بيلينج‌ديشي بو دئديييم فولكولور، ميف، اورتاق كولتورل دنه‌مه‌لر و بوتون بشريتله ايلگي‌ده اولان ائورنسل(جهانشمول) تصويرلرين يئرلشديريلدييي قابدير. يونگ‌ا گؤره بوتون دونيا اينسانلاري ميف‌لر، افسانه‌لر و فولكولوريك ناغيل‌لار و دوشونجه‌لره اورتاق بير تپكي گؤستريرلر. من بو كوللئكتيو‌بيلينج‌ديشي‌ني دونيا سويه‌سيندن خيردالديب، آذربايجان سويه‌سينه داشيييرام.فولكولوروموزدا «آلما»نين شفاهي و عاشيق ادبياتيميزدا، چاغداش ادبيات، عادت عنعنه‌لريميز او جومله‌دن توي دب‌لريميزده، خيناگئجه‌سي بئي طرفيندن دامدان آتيلان آلمادا، و بوتونلوكله چوخلو باشقا اؤرنك‎لرده، بير آرخاتيپ سئوگي سيمگه‌سينه چئوريلمه‌يه سبب اولماسيني گؤروروك. بو آرخاتيپ گؤرونگو(پديده) بيزيم يازارلاريميزدا و متنلريميز ايچينده يارانان دونيالاردا تانيش و حتي بعضن شابلنلاشميش بير دوشونجه و تكنيكه ده چئوريلير. البته آلمانين بيزيم ادبيات دا بو آنلام و سيمگه‌يه ييه‌لنمه‌سينه، يالنيز بير ساده سيمگه كيمي باخماماليييق. بو نئچه يؤنلو بير فلسفي و ميفولوژيك بير مقوله‌دير. بو مقوله، كوللئكتيو‌بيلينج‌ديشي‌ميزين(درون ناخودآگاه جمعي) درينلييينده، كئچميش نسيللريميزين خاطيره‌لري و گئنل اورتاق عاطفي دويغولاريميزلا ياناشي گليشن بير مقوله‌دير. ادبياتيميزدا بو مساله‌يه ساده و داياز بير سئوگي سيمگه‌سي كيمي باخيليرسا بير او قدر داياز و سينيرلي اولاجاغيق. نه فقط آلما، باشقا ائورنسل مقوله‌لر ده، ادبياتدا تاريخ بويو هر زامان تكرارلانان و هئچ واخت كؤهنلمه‌ين سيمگه‌لر و آنلاتيم‌لارلا بئله بو قايدا ايچينده تانيملانير دئمك. پاييز، قيش، باهار، ياي، گونش، آي، قارا بويا، آغاج و باشقا آرخاتيپ‌لشميش مقوله‌لر.
ميفولوژيك باخيمدان دؤرد فصلين هر بيريسي بير دويغو و روحي بير دورومون گؤسترگه‌سي و سيمگه‌سي اولدوغودا، همن آلما قونوسوندا وورغولاديغيم مقوله‌دن ايره‌لي گلير. ادبيات دا بو آرخاتيپ‌لردن باشقا بير اؤرنك وورماق ايسته‌سم «دؤرد‌فصيل»دير. بو فصيللر شعرلريميزده ساده بير سيمگه اولاراق ايشه آلينمامالي و هره‌سي گئنيش آنلاملي بير فلسفه و آرخاتيپيك بير يوك داشيماليدير. يئني دن دوغولما، آنا اولماق، سئويب-سئويلمك، دوغوم، اؤلوم، بو دؤرد فصيل ده طبيعتين كولك‌له سئويشمه‌سي و بولودلارين يئرله اروتيك بير جينسي ايلگي قورماسي، بيتگي‌لر، گول‌لر، آغاج‌لارين بويلو اولوب ياي‌دا ميوه دوغماسي، پاييزدا آيريليغا اوغراييب قيشدا اؤلمه‌سي، ايلك نظرده ساده-ساده آنلاتيم‌لاردير. حالبوكي تاريخ بويو(بلكه ميليون ايللر) اورتاق عاطفي و توپلومسال اورتاق دويغو و دنه‌مه‌لر و بو فصيل‌لرده ياشانيلان آنيلار، كوللئكتيو‌بيلينج‌ديشيندا توپلاشيب اينديكي نسليميزه قدر ايره‌لي گليب. باهار(ليريك)، ياي(رمانس)، قيش(كميك) و پاييز (تراژدي) كيمي آنلاتيم‌لاري داشيماقلاريندا يالنيز ساده بير سيمگه دن سؤز گئتمير. بشرين ذهني و عيني دونياسينداكي آرديجيل و تيكرارلانان بير سيرا تيپلر و تصويرلر بيزيم خياليميزدا گليشديريلديكجه، ناغيللار، شعرلر و ادبي متنلر آراسيندا اؤزونو گؤسترير و همن بو تيپلر زامان سوره‌سينده يئتيشديريلديكجه آرخاتيپ‌لشير! بونلار و بو قونولارين بو آنلاتيملارا اوغراماسي، نئچه يوز ميليون ايللر تيكرارلانديغيندان‌دير. ادبياتين آيريلماز و اؤلمز قونولارينا چئويرلمز ندني ده همن بو آرخاتيپ بير مقوله اولمالاريندان ايره‌لي گلير. بو آرخاتيپ‌لر ادبيات دا پيلوت‌لارين(طرح‌لرين) آرديجيل مدل‌لري ايچينده تكرارلانديقجا، بير سيرا بيزده بينؤوره‌لشميش و بئينيميزه هوپموش دويغولار و تصويرلر بئنيميزده يارادير. اؤزلريني خيال دونياميزدا تصوير ائديب، عاطفي دنه‌مه‌لريميزده درين دويغولانماغيميزا سونوجلانيرلار، نيه كي بيزيم كوللئكتيوبيلينج‌ديشي‌ميزداكي اوست-اوسته قالانان آرخاتيپ تصويرلر ايچينده، نئچه مين ايللرين دويغوسو، خاطيره‌سي و دوشونجه‌لريني قيديقلاييب اوياديرلار و اينسان(اوخوجو) اؤزو بيلمه‌دن بو دويغولار و آرخاتيپ‌لرين اوووسونوندا ايليشير. بو آرخاتيپ‌لره دايانان بير دوشونجه ايله بو شعره باخساق، ليلي خانيم كحالي‌ شعرينين باشلانيشي دا بئله بير دويغولار بيزده اويادير:

اليم آلمالاردا قالدي

شاعير «آلما»ني «آلمالار» گتيريب، ايچينده اونودولموش، دانيلميش و يا ياساقلانميش سئوگيسيني، «آلمالار» سؤزجويونده آلمايا چوخول ضمير-لار-(ضمير جمع-لار-) قوشماقلا بو سئوگيسل دويغوسونا داها آرتيق وورغو ياپماق ايسته‌ييب. بو سئوگي ده حسرتين چوخ اولدوغونو آچيقلايير:

 اَل، آلمالار حسرتينده قالدي. آلمالار باغين يوخوسوندا، پاييزدا اوتقونا بيلمه‌دي بو ياراني!

پاييز يوخاري‌داكي وورغولاديغيم همن آرخاتيپ‌لردن بيري ساييلير. تراژدي ني آنلادان و دوغرولدان پاييز فصلي يارپاقلارين ساراليب، اؤلوب، آغاجدان آيريلماق فصلي، آيريليق‌لار چاغي‌دير. بو دردي نه شعرده كي راوي نه ده پاييز اوتقونا بيلمه‌يير. حسرتين و كدرين چوخ شيددتلي اولماسي‌نين بير ندني آلماداكي چوخول ضمير (لار)ين گلمه‌سي‌ديرسه، بير ندني ده پاييزين ياني سيرا گلن (آخشاملاري‌)دير. پاييز تراژدي‌دير، «آخشام» ايسه تراژدي‌لرده كدر و دپرئسيونو ان يوكسك درجه‌يه چاتديران واخت!

 اوچدو سئرچه‌لر

سئرچه‌نين اوچماسي سانكي راوينين و طبيعتين بدنيندن آيريلان روحون تصويريدير. ميوه‌لرين دريليب، آغاجلارين قورويوب اؤلن زاماني. آلما دريلمه‌يير. دريلمك حسرتينده آلمادا قيريليب قالان اَل ده، پارچالانميش شاعيرين دويغولار مركزينه چئوريلير. شعرده پاييز تراژدي سونراسيندا، قيش دا گليب چاتير:

قار ياغدي ناغيللاريميزا

شاعير پاييزي و آيريليق تراژدي‌سيني آلتي ميصرع ده دئييب، اوچ آيليق بير فصلي آلتي سطيرده قورتاريب قيشا گئدير. قيش دا بوتون جانلي‌لار، آغاجلار، بيتگي‌لر و بير سيرا حيوانلارين ياتماسيني بيليريك. راوي ده سانكي طبيعتين و ياشامين آرخاتيپ دوشونجه‌لرينده اَريييب و قيش يوخوسونا گئدير:

قار ياغدي ياستيغيما
اللريمي دره بيلمه‌ديم...

اللر سئوگيسيني درمك حسرتينده استحاله اولور، آلمادا قالير، آلما ايله و سوگيسيله بيرله‌شير دئمك. اَل نه راويه عائيددير نه سئوگي‌سينه. سئوگيسيني منيمسه‌يه بيلمك دويغوسوندا، هم اؤزوندن آيريلير هم ده اؤزوندن آيريلديغيندا داها اؤزو دئييل! و سئوگيسينه تقديم اولونور. سانكي «ونسان ونگوك» سئوگيليسينه قولاغيني كسيب هديه وئردييي كيمي بير اولاي‌دير، بدن دن بير پارچاسي سئوگيليه تقديم اولونور، يوخسا اونون روياسيندا آلمادا قالير:

اللريمي آغزيمدا "ها" دئييه‌مه‌ديم!

راوي اليني سئوگيسينه اوتوزدوغوندا، سانكي يئنه ده اَلي گؤوده‌سينده‌دير و بو خيالي اَلين(دست خيالي) وارليغيني ياشادير. بوراسي چوخ ماراقلي! اورقاني كسيلميش (قطع‌عضو اولموش) اينسانلار كسيلميش اورقانلارينين وارليغيني بعضن انداملاريندا احساس ائدرلر. بو مساله، نئچه پيسخولوژي انيستيتوسوندا ايثبات اولونان بير قضيه‌دير. حتي اَلي كسيلميش بير اينسانين گؤزلريني يوموب و كسيلي اَلين بوش فضاسينا شمعين ايستيسيني توتدوقلاريندا، اَلي اولمايان كيمسه اؤزونو آراخايا چكيب و اولمايان اَلينين يانماسيني دويوب. بو اولاي «هولوتراپيك ذهن» كيتابيندا داها گؤزل آچيقلانير و راوي بو هولوتراپيك ذهني ايله اَليني آلمالاردا قويدوغوندا، اونو «ها!» ائله‌مه‌يي دوشونور. نيه كي يقين او اَل اينديه كيمي آيريليق شاختاسيندا دونوبدور. شاعير سونراكي ديزه‌لرده ايت‌بازلارين ايتلرله داورانديغي يئره‌ل(بومي) بير تپكيني گتيريب:

قولاغلاري كسيلميش ايتيندن

بيزده و بئله دئييم بير سيرا مال-حئيوان ساخلايانلاريميزدا، بئله بير دب وار كي، ايتين كوچوكلويونده قولاغيني كسرلر. يئكه‌لنده اوزون قولاقلار بوغوش‌دا حريفين آغزيندا بير ضعف نوقطه‌سي اولماسين دئيه. بو بندين گلمه‌سيني شعرين بوتونلويو ايله ايلگيلنديره بيلمه‌ديم. بلكه شاعير بوردا اؤزو دنه‌دييي، يوخسا بو ايشدن بير خاطيره اولماسيني بو بندين يازيلماسينا گتيريب. شاعير پاييز تراژدي سونراسي، قيش دا يوخويا گئتدييينده، شعرين سونونا قدر ده يوخودان دورمايير و داها دوغروسو دورماق ايسته‌مير. دريلن هر آلما اونون جانينين بير پارچاسيني دا آپاراجاق دئيه، بير پيسخولوژيك فضاني آچيقلايير. شاعير بوردا «اؤزو»نو دئمك نهاديني(İD‌سيني) اوياتماق ايسته‌مير. فرويد آچيقلاديغي غريزه‌لر و سينيرسيز لذذت‌لر مركزيني اوياتماق ايسته‌مير. شاعير الينه «ها!» دئيه بيلمه‌ديييندن سونرا و اونونلا دويغوداشليق ائتديييندن سونرا و باشقا بير اَل ايله سئوگي ده اونودولوب قالميش الينين دريلمك قورخوسوندان، يوخودان دورماق ايسته‌مير...


اليم آلمالاردا قالدي
آلمالار باغين يوخوسوندا
و پاييز آخشاملاري اوتغونا بيلمه‌دي يارامي!
او بوغازدان بو بوغازا
اوچدو سئرچه‌لر
نوتدان دوشدو آدين!
قار ياغدي ناغيللاريميزا
قار ياغدي ياستيغيما
اللريمي دره بيلمه‌ديم...
اللريمي آغزيمدا "ها" دئييه‌مه‌ديم!
و قاچديم بو يوخودا
قولاغلاري كسيلميش ايتيندن
گؤندريله‌ن سئوگي مكتوبوندان
سيغما چكه‌ن قاتاريندان
اوچان قوشلاريندان
و اوياتماديم اؤزومو
قورخورام
دريله‌ن هر آلمادان...

لئيلي كحالي


* چارلز برسلر(درآمدي بر نظريه ها و روش هاي نقد ادبي)، مباني نقد ادبي(ويلفرد گرين) مباني و روشهاي نقد ادبي(دكتر نصرالله امامي)، نقد روانشناختي متن ادبي(محمد تقي غياثي) و باشقا كيتابلاردا اوخودوغوم بحثلرده «آرخاتيپ» دن گئنل بير گؤروش يازميشام.

كهن الگو-آرخاتيپ:
تكامل‌لو سلسله سونراكي اؤرنكلرين اوزويله مقايسه ائديلدييي، ايلكين استفاده ساحه‌سينه چيخان اؤرنك.

روانكاوي-روحسال چؤزومله مه(پسيكاناليز):
«زيگموند فرويد»ون گليشتيردييي، اينسانين اويغون و يا اويغونسوز داورانيشلارينين قايناغي ساييلان، بيلينج‌آلتي قارشي‌دورما و موتيولري آراشديريب بيلينجه چيخاراراق، داورانيش سورونلاريني چؤزمه يؤنته‌مي، روحي تحليل ائتمه.
جمعه, 12 تیر 1394 00:00

رسول اسماعیلیان

هايكو

ژاپنون اون‌‌يئددي «مورا»لي شعري -هايكو- بوگون دونيانين چوخ اؤلكه‌لرينده ادبياتچيلار آراسيندا تانيش بير كلمه ساييلير. بعضاً هايكونو 17 هجالي شعر آدلانديريرلار آنجاق ديلچي‌ليك باخيمين‌دان، «هجا» ايله «مورا» ايكي مختلف آنلاييش‌لارديرلار. هر بير قيسا هجا بير مورا ايله برابردير.) اؤرنك اوچون o) آنجاق هر بير اوزون هجا ، ايكي «مورا» ايله برابردير(اؤرنك اوچون yaz هجاسي، ya ايله z مورالاري ايله برابردير). بئله‌ليكله ژاپن شعرلرينين وزني مورالار ساييسينين اساسيندا تعيين ائديلير.

هايكو، ژاپن شعرينده، «تانكا»يلا «رنگا» شعرلريندن آلچاق درجه‌ده اولسادا، آنجاق ژاپن سرحدلريندن چيخاندا بو شعر ژاپنون اّن آدليم شعري ساييلير. هايكو فرانسه ديلينه چئوريله‌ندن سونرا، ايماژيست شاعرلرين ديقتلرينده اولوب. هايكو‌دان تاثير آلان شاعرلردن، ازرا پاوند (1972-1885) ، پاول الوار (1952-1895)، تي.اس.اليوت (1965-1888)، اكتاويو پاز (1998-1914)، رابيندرانات تاگور (1941-1861)، امي لاول (1925-1874)، رابرت فراست (1963-1874)، دبيليو.بي.يتيس (1939-1865)، جيمز كركاپ(2009-1918)‌دان آد آپارماق اولار.

«هايكو» سؤزو ايكي هيجادان تشكيل تاپيب‌دير: «هاي» سؤزو آرتيست، «كو» سؤزو ايسه مصرع آنلاميني داشييير. بو شعر بيرينجي دؤنه 16-جي يوزايلليكده «هوكو» آدييلا ژاپن شعرينده باشلانيب آنجاق 19-جو يوزايلليكده، ماسائوكا شيكي‌نين ادبي انقلابي اوزره «هايكو» آديلا تانيندي. بو آد اصلينده «رنگا» يا « هايكاي» شعرلرينين باشلانيشيندان آلينيب. «رنگا» يا «هايكاي» شعرلري 31 مورادان(7-7-5-7-5) تشكيل تاپيبلار. هر ايكي شعرده «فصيل سؤزجويو» ايشله‌نير. بو ايكي شعر يالنيز محتوا باخيميندان فرقله‌نيرلر. اؤزلليكله «رنگا» شعرينده استعاره ايله تشبيه‌ چوخلو ايشله‌نيلير حال بو كي « هايكاي» شعرينده استعاره ايله تشبيه‌ مطلق ايشله‌نيلمير. دئمه‌لييك «رنگا» يا «هايكاي» شعرلري ايكي بؤلومدن تشكيل تاپيرلار، بيرينجي بؤلوم «هوكو»، ايكينجي بؤلوم ايسه «آگه‌كو» آدلانير. هوكو بؤلومو نئچه دئييشيكليكدن سونرا هايكويا چئوريليب دير.

هايكو، اوچ مصرع‌دن تشكيل تاپيب. بيرينجي مصرع بئش، ايكينجي مصرع يئددي اوچونجو مصرع ايسه بئش مورادا اولور. مصرع‌لرين بئله بير دوروم‌دا دوزولوشو، ژاپنون ائشيتيم لذتي و ژاپن‌لي اوخوجوسوندا تاثيرلي اولماغيندان آسيلي‌دير، نئجه كي بئله بير دورومو(بئش يا يئددي مورالي مصرع‌لر) ژاپنون باشقا شعرلرينده ده گؤرونور، نئجه كي آذربايجان كلاسيك هجا شعرينده 11 هجالي ، 8 هجالي يا 7 هجالي مصرع‌لر آذربايجانلي اوخوجويا تاثيرلي‌ ديرلر.

آنجاق ترجمه‌لره باخماياراق، ژاپندا هايكونون اوچ مصرعي‌ده بير سطيرده يازيلير و مصرع‌لرين اورتاسي يا سونوندا بير حرف گتيرمكله مصرع‌لر بير‌بيريندن آيريليرلار. بو حرف «كيره‌جي» آدلانير كي چوخ حالدا آدلارين سونونا آرتيريلير. كيره‌جي چوخ حاللاردا «و» معناسيني داشييير.

Fu/ru/i/ke/ya/ Ka/va/zu/to/bi/ko/mu/ Mi/zu/no/o/to

اسكي گؤل‌ده
قورباغانين آتيلماسي
سويون سسي

بو هايكودا «ya» حرفي «و» معناسيني داشييان بير كيره‌جي دير.

محتوا باخيميندان هايكودا چوخ طبيعت‌دن قيسا آنلار وصف اولونور آنجاق بو وصف‌لر انسانلارلا طبيعتين ايلگي‌لريندن سؤز آچيب، ايچ قاتلاريندا درين و دويغولو معنالار داشيييرلار.

طبيعت‌له باغلي بئله بير باخيش، زامان و بونونلا برابر هايكونون سؤيله‌ديگي فصيلي گؤسته‌رن بير كلمه‌يه يئر آچير. بو كلمه‌يه «موسوم سؤزجويو» دئييلير. ژاپن فرهنگينده بو كلمه فصيللره، يا ايلين باشلانيش گونلرينين بيرينه اشاره ائدير. ژاپونون اسكي تقويملرينده هر فصيل آلتي يئره بؤلونوب، هر بؤلومه اوچ چئشيدده فصيل سؤزجويو عايد اولوب كي بوتونلوكده هر ايل اوچون يئتميش ايكي اؤزل فصيل سؤزجويو عايد‌دير. اؤرنك اوچون باراما قوردو - ياز سؤزجويو، هلو - ياي سؤزجويو، آي - پاييز سؤزجويو، قار ايسه - قيش سؤزجويو ساييلير. فصيل سؤزجويو تكجه فصيللري گؤسترن بير كلمه دئييل بلكه هايكونو ساده‌جه بير تصوير‌ اولماقدان قوپاريب، زاماندا آخيجي ائدرك كئچميشلرله ايلگيله‌نديرير. هايكو ، فلسفه باخيميندان «ذن»‌ه باغلي‌دير.

بوتونلوكده دئمك اولار هايكونون درين جاذبه‌سيني هاراداسا يالنيز ژاپن ديلينده و ژاپن كولتورونده دوشونمك اولار. دئمك اولار بو قايدا دونيانين هر بير ديلينده يارانان شعرلرينده وار آنجاق ژاپوندا هايكونون اوخوجولارلا ايلگيسي آرتيق درين‌دير ائله كي ژاپنون بير طب مركزينده، روح خسته‌ليك‌لريني هايكو ايله درمان ائديرلر. بو شعر باشقا ديللره چئوريلنده بير چوخ قابليتلريني ايتيرير. بو قابليتلرين چوخو ژاپن كولتوروندن آسيلي‌دير. اؤرنك اوچون هر ايل ژاپندا «داود» چيچكلرينه عايد ياريش كئچيريله‌رك اَن گؤزل چيچه‌يه مكافات وئريلير. عين حالدا ژاپندا «مي نااُسو» آدلي بير آنلام وار. مي نااُسو، انسانين بير شئي اوزره عقيده‌سي دئييشيلندن سونرا ائله او شئي‌ه يئني دن نظر سالماسي دئمكدير. بئله بير دورومو نظره آلاراق «كوباياشي ايسا»نين بو هايكوسون اوخوياق:

او گئجه
يئني دن داود چيچه‌يينه گؤز تيكديم
او اودوزموشدو

دئمك اولار هايكونون قيسا بيچيملي بير شعر اولماغي، اونون به‌يه‌نيلمه سببلريندن بيري دير آنجاق بو قيسا اولماغا باخماياراق اوندا درين معنالار وار. اؤزلليكله ايجاز، هايكونون اساسلاريندان بيري‌دير. بونو آرتيرمالييق ژاپن شعرينده هايكوداندا قيسا شعر بيچيمي واردير. ماتسو باشو نون كيورايي آدلي اؤيرنجيسي، «واكي» آدلي اون‌دؤرد مورالي بير شعر بيچيميني رواج وئردي آنجاق هايكو ساياغي قارشيلانمادي.

هايكو ايلك باخيشدا، قيسا بير شعر اولماغينا گؤره و عين حالدا اوندا عموميتله "آنليق بير وضعيت" آلينماسي اوزره، عادي بير مشاهيده‌نين محصولو اولدوغو دوشونولور و اونون راحاتجا يازيلماسي تصور اولونور آنجاق دئمك اولار هايكو تكجه بير شعر فورماسي دئييل، بير گؤرمه فورماسي‌دير. هايكو قارشي‌داكي عمومي تعريف‌لردن فايدالانا‌راق باشقا بير ساده ايضاحاتلا، يئني‌دن شرح ائده بيلمه گوجونه صاحب اولما‌لي‌دير. او، حادثه‌لر ايچينده بير آني گؤتوروب، اونون ايچ طبيعتينه داها بير اؤزل باخيشلا نفوذ ائده‌رك او آني قاليجي بير آن اولا‌راق پايلاشير.

"گؤستر، آنجاق چكين سؤيله‌مه!" - قايدا بودور.

رولان بارت دئميشكن: «هايكودا بير شبح خصوصيتي وار، اودا هر بير كسين اونون آسانجا يازيلماسي حاقدا دوشونمه‌سي‌دير، آنجاق ائله او شخص بير هايكو يازماق ايسته‌ينده باشقا جور دوشونور.» دئمك اولار هايكونون دونيادا ياييلماسي‌نين سبب‌لرينين بيري‌ده ائله بو ساده‌ليك‌دير. بو ساده‌ليك اوخوجولارين بو شعره ماراق گؤسترمه‌سي و بو شعريله ايلگي قورماقلارينين اساس سببلريندن بيري‌دير. ايكينجي دونيا ساواشيندا عسگرلردن قالان خصوصي دفترچه‌لرينده هايكو ساياغي چوخلو شعرلر گؤرونور عين حالدا اينتحار ائدن انسانلارين كئچميشلري اوزره بير تحقيق ده گؤرونور، اونلارين چوخو سربست شعريله ايلگيلي اولوبلار حالبوكي هايكو ايله ايلگيلي اولوب، اينتحار ائدن انسانلارين سايي چوخ-چوخ آزدير. بونلار هاميسي بو شعرين اوخوجويلا درين ايلگيلي اولماغيندان و اوخوجودا درين تاثير قويماغيندان خبر وئرير.

ياخشي بير هايكونون گوجو، فردي بير حسي ياراديب و او حسي داشيماق‌دادير. عموميتله قبول اولونان بير اساسا گؤره، بير گوجلو هايكودا سؤز آرتيرماق، چيخارماق يا هر هانسي بير كلمه‌نين يئريني دئييشديرمك اولماز.

ژاپنونون آدليم هايكو يازارلاريندان ماتسوٱ باشو (1694-1644)، يوسا بوسون (1783-1716)، كوباياشي ايسا (1827-1764) و ماساوكا شيكي (1902-1867) دن آد آپارماق اولار. كوباياشي ايسا‌نين هايكولاريندا اومانيستي باخيشلار، ماسائوكا شيكينين هايكولاريندا رئاليستي باخيشلار، بوسونون هايكولاريندا هنري باخيشلار، ماتسوٱ باشونون هايكولاريندا ايسه روحاني باخيشلار واردير. ماتسوٱ باشو اؤز اؤيرنجي‌لريله هايكاي شعريني يئني بير دوروما ساليب و اونا جدي بير ادبيات سايقينليغي قازاندير‌دي. ماساوكا شيكي ايسه معاصر هايكونون قوروجوسو ساييلير. عيني زاماندا هايكو آنلاييشينين (هايكاي يا هوكو قارشي‌سيندا) يئرلشمه‌سيني الده ائدن ده او اولموش‌دور. دئمك اولار شيكي‌دن سونرا هايكو شعري ايكي استقامته بؤلوندو. شيكي‌نين ان اهميت‌لي ايكي شاگردي‌نين- تاكاهاما كيوشي (1874-1959) و كاواهيگاشي هئكيگوتو (1873-1937)- ژاپن هايكوسونا تأثيرلري بو گونه قدر سورن و تعيين ائديجي بير حركت ساييلير. هئكيگوتو، شيكي‌نين اصلاحات‌لاريني داوام ائتديردي و يئني فورما‌لار سينا‌دي. كيوشي بو تجروبه‌لره قارشي بير حركت اولا‌راق «عنعنوي هايكونو» كشف ائتدي. كيوشي‌نين آپ-آيدين تأثيري بو گون ژاپندا «عنعنوي هايكونون» مشهورلوغوندا اؤزونو گؤسترير. كيوشي مكتبين‌دن چوخ معتبر شاعرلر چيخدي. او سيرادان ميزوهارا شواُُشي (1892-1981)دن آد آپارماق اولار. عين حالدا هئكيگوتو حركتين‌دن ايسه هايكونون سربست شك‌لي اينكيشاف ائديلدي. ايپپئكيرو ناكاتسوكا (1887-1946)، اُگيوارا سئيسئنسوئي (1884-1976)، اوزاكي هوساي (1885-1926) و خصوصيله ژاپونون ان چوخ اوخونان هايكو يازي‌چي‌لارين‌دان اولان تانئدا سانتوكا (1882-1940) كيمي اهميت‌لي شاعرلر بو سيرادان ساييليرلار.

بونودا دئمه‌لييك ايكينجي دونيا ساواشيندان سونرا ژاپنون حد‌دن آرتيق ميلليت‌چي‌ليك تجربه‌لري سببيله، ليبرال بير هايكو حركتي اورتايا چيخدي. تاكاهاما كيوشي يه اويغون گله‌رك «عنعنوي هايكو» قايدا‌لارينا رعايت ائتمه‌ين «شينكو هايكو اوندو»(يئني چيخان هايكو حركتي) شاعرلري حبس اولونوب و شكنجه گؤروب، ژورنال‌لاري ايسه قاداغان ائديلميش‌دير. آرتيرمالييق، ساواشدان سونرا تاكاهاما كيوشي ژاپنون اطلاعات قووه‌سينين‌ آلتيندا، چاليشان مدني فعاليت‌لره نظارت ائتمك اوچون دؤلتين تبليغات تشكيلاتي اولان «ژاپن ادبياتي وطن‌پرور جمعيتي»نين هايكو بؤلومونون باشچي‌سي اولدو.

دوغروسو دئمه‌لييك هايكونون قايدالاري بوتون شاعرلر طرفيندن رعايت اولونمور. بعضي شاعرلر 5-7-5 قاليبيني، بعضي‌لر ايسه يالنيز فصيل سؤزجويونو هايكودا رعايت ائديرلر، بعضي‌لري ده هر ايكي‌ قايداني رد ائديرلر. كوباياشي ايسا دا بعضا 5-7-5 فورمونو پوزوبدور. ژاپن يازارلار آراسيندا هايكونون اون يئددي مورالي اولدوغو و موسوم سؤزجويونون هايكودا گركلي اولماغيني پوزان شاعرلردن اوزاكي هوسايي(1926-1885) ايله سانتوكا(1940-1882)دان آد آپارماق اولار.

بو هايكو ژاپن ديلينده 9 مورالي‌دير. فصل سؤزجويو ايله كيره‌جي‌سي‌ده يوخدو.

اؤسگوره‌نده‌ ده
يالقيزام (اوزاكي هوسايي)

اصلينده هايكو كيشي‌سل بير شعر تانينيردي آنجاق سون يوزايلليكده بير نئچه قادين شاعري هايكو يازماغا ماراق گؤسترمه‌سينده بو شعر ژانريني كيشي‌سلليكدن قورتاردي. تي جي ناكامورا بو قادين شاعرلردن بيري‌دير.

هايكو باشقا ديللرده يازيلاندا او ديل و او كولتوره باغلي چوخلو تاثيرلر آليب و چوخ قايدالاري پوزولوبدور، نئجه كي «بيليمسل-بديعي هايكو»ون مضمون باخيميندان هايكو ايله اساس فرق گؤرونور، ائله كي هايكودا طبيعت مضمونو «بيليمسل-بديعي هايكو»ده يئريني بديعي، علمي و يا دهشت مضمونونا وئرير. بونو آرتيرمالييق «بيليمسل-بديعي هايكو»نون مانيفستي 1995-جي ايلده تام برينك ين طرفيندن وئريلدي آنجاق بو مانيفست دن چوخ قاباق بيليمسل-بديعي هايكو نمونه‌لري بير نئچه كتابدا يازيلميشدي. اؤرنك اوچون 1962-جي ايلده كارئن كروز آندئرسون بو هايكونو چاپ ائتميشدير.

بو حلقه- حلقه خيارلاري
هله «سيرتيس» چؤلونده اَكمه‌ييبلر
نه قدر يئريكله‌ميشم

بوتونلوكده

ائدو دؤورو (1868-1600)، ماتسواُ باشو(1644–1694)، يوسا بوسون (1716–1783)، كوباياشي ايسا (1763–1827)، ميجي دؤورو(1912-1868)، ماسااُكا شيكي (1867–1902)، كاواهيگاشي هئكيگوتو (1873–1937)، تاكاهاما كيوشي (1874–1959)، تانئدا سانتوكا (1882–1940)، اوزاكي هوساي (1885–1926)، ميزوهارا شواُشي (1892–1981)، ياماگوچي سئيسون (1892–1988)، سايتو سانكي (1900–1962)، هينو سوژو (1901-1956)، ياماگوچي سئيشي (1901–1994)، ناكامورا كوساتااُ (1901–1983)، اُنو رينكا (1904–1982)، كاتو شوسون (1905–1993)، فوروساوا تايهو (1913–2000)، سوزوكي ماساژو (1906–2003)، موري سوميو (1919–2010)

ژاپنون هايكو ادبي دؤورلرينين ان اؤنملي شاعرلري ساييليرلار.

نئچه هايكو :

1) دانيشماديلار
نه ائو ييه‌سي، نه قوناق
نه ايسه داود چيچك‌لري (ريوتا)

2) آي باتي‌يا اوزاناركن
دوغويا سوروشور
كؤلگه‌سي چيچك‌لرين (بوسون)

3) كوچه لامپاسي
هر گئجه يالقيز قالار
يالقيز و ايشيق‌لي! (تويكو)

4) قولچاقلارلا
نه اينجه داورانير
سونسوز قادين (ران ستسو)

5) يئني‌دن "دنگ، دنگ"
داغلارين معبدينين ناقوسو
يازين ياغيشي (كوباياشي ايسا)

6) كيم اولدوغومو بيلميرم
بير پاييز آخشامينين آل گونشي
آديمي اؤزويله آپاريب (ريچارد رايت)

7) باهار كؤچدو
قوشلار آغلادي
بونلار باليغين گؤزونده كي ياشلار


قايناقلار:

1) Haiku Nedir - Haiku Örnekleri - Haiku Şiirleri Smiljka Gagic
2) Michael Dylan Welch’in Haiku Üzerindeki Düşünceleri Çeviri: Burcu Erdoğan 2004
3) Vikipedi, özgür ansiklopedi
4) هايكو از آغاز تا امروز/برگردان احمد شاملو- ع پاشايي/نشر چشمه/۱۳۸۴
5) صد هايكوي مشهور/دانيل سي بيوكانن/برگردان ع.پاشايي/۱۳۶۹
6) هايكو، شعر ژاپني / ترجمه ع.پاشايي و نسترن پاشايي/ نشر نظر/ 1390
7) هايكوهاي پاييزي ژاپن، با موضوع "گل داوودي" / مسيح طالبيان
8) هايكو/ قدرت الله ذاكري

پنج شنبه, 02 فروردين 777 00:00

محمدرضا رحمانی فر

شعر می یوخسا شوعار می؟
شوعارلار آلدادیجی(1) اولورلار هردن! آیری-آیری ندن‌لردن آسیلی اولاراق کوتله‌میزین(2) ادبی باجاریغی آشاغی سویه‌ده قالیب‌دیر. بونا گؤره ده اونلار شوعاری شعردن داها آرتیق سئویرلر. بو آرادا بیر سیرا آدینی شاعیر قویان، آنجاق اصلینده شوعار وئرن یولداش‌لار باجاریقلی شاعیرلریمیزدن داها آرتیق کوتله ایچینه یول آچا بیلیرلر. قیسا سوره‌ده (3)بو دوروم بیزیم خئیریمیزه قورتولسا دا، اوزون سوره‌ده (4)بونون هئچ یاخشی اولمادیغینا اینانیرام. بو شوعار وئرن یولداش‌لار یوکوملولوک (مسوولیت) آدینا شعریمیزی قوربان وئریرلر. اینانیرام بونلار بیر حزب یارادا بیلسه‌ایدیلر، داها شعر آرخاسیندا گیزلنمزدیلر بلکه یاراتدیقلاری حزبین تریبونلارینین آرخاسیندا باغیراراق شوعارلارینی کوتله‌نین قولاغینا چاتدیرماغا چالیشاردیلار.
بو آرادا بیر سیرا شاعیر یولداش‌لاریمیز دا یوکوملولویون هزینه‌لریندن قورخدوقلارینا گؤره، آوانقارد ادبیات آرخاسیندا گیزله‌نیرلر. سانکی آوانقارد ادبیات توپلومدان قیریلماق دئمک‌دیر!!! بونلار گؤزلرینین قارشیسیندا هر گون اولماسین-قالماسین حاقسیزلیقلاری گؤره-گؤره فردی دونیالارینا سیغینیرلار. سؤز سؤزه گلنده ایسه "من شعریمی هئچ بیر ایدئولوژی تریبونونا چئویرمه‌رم" دئیه اؤزلرینی ساوونماغا چالیشیرلار. سانکی یاشادیقلاری توپلومون آجی‌لاری شعرلرینه یول آچسا شعرلری ایدئولوژِی تریبونونا دؤنر! آنجاق، ائروتیک خاطیره‌لری ادبیات آدینا اوخوجویا وئریلسه آوانقارد اولار.
عزیز یولداش‌لار! آلدادیجی شوعارلار آرخاسیندا گیزلنمک یئرینه حقیقتی اؤز مخاطب‌لرینیزه آچیقلایین! یوخسا سوسون! کیمسه سیزدن آچیقلاما ایسته‌میر. آنجاق، آچیقلاما آدی آلتیندا بیزیم شوعوروموزا توهین ائتمه‌یین! دونیا ادبیاتی ماکسیم گورگی، سارتر، پابلو نرودا، ناظیم حیکمت، آنا آخماتووا، اوسیپ ماندلشتایم، برتولت برشت، خلیل رضا، بختیار واهابزاده ، براهنی... کیمی انسانلیق قارشیسیندا تاریخی یوکوملولوک‌لرینه قاتیلان، بو یولدا ایسه آغیر هزینه‌لر وئرن اؤرنک‌لرله دولودور. فارس ادبیاتیندا شاملو-نو داها ادبیاتچی بیلیرسینیز یوخسا توللی-نی می؟ سیزین ان چوخ بَیندییینیز رامیز روشن وطنه گؤره شعر یازماییب‌دیر می؟ ندن بیر شاعیر وطندن دانیشاندا اونو تخریب ائتمک اوچون اخلاقسیز داورانیش‌لارا اوز گتیریرسینیز؟ سیز وطندن دانیشمایین، اوندا شعرلرینیز ایدئولوژی تریبونونا دؤنر! آنجاق وطندن دانیشان شاعیرلریمیزه ده سالدیرمایین لوطفن! وطندن دانیشماق شعرینیزی ایدئولوژی‌لشدیریرسه، گوناه سیزین شاعیرلیک باجاریغینیزدا دیر. شاعیرین هونری یوکوملولوک ایله شعری باریشدیرماقدادیر. سورون ادبی دوشونجه‌نیزدن آسیلی‌دیرسا ندن توپلومسال آجی‌لارا توخونماییرسینیز. اونلار کی شعری ایدئولوژییه دؤندرمزلر! دوز دئیییرسینیزسه هئچ بیر ایدئولوژییه باغلانمادان یاشادیغینیز توپلومون آجی‌لارینی شعرلرینیزده وورغولایین! ان آزی اؤزونوزون توپلومسال آجی‌لارینیزی وورغولایین! سیزین آجی‌لارینیز یالنیز ائروتیک آجی‌لاردیرلار می؟ لوطفن قورخاقلیغینیزی آلدادیجی شوعارلار آرخاسیندا گیزلتمه‌یین!
سیزی نه قدر سئودیییمی بیلیرسینیز.آنجاق، ائلیمی، ادبیاتیمی حتی دونیا ادبیاتینین تئوریک‌ تمل‌لرینی سیزدن داها آرتیق سئودیییمی ده بیلمه‌لی‌سینیز.بو قونودا اؤزونوزو فیکیر صاحابی بیلیرسینیزسه، سیزی مناظره‌یه چاغیریرام.
سایقی‌لارلا
محمد رحمانی‌فر
1- فریبنده 2- توده مردم 3- در کوتاه مدت 4- در بلند مدت
5- غیر ادبیاتچی آنجاق بولاندیریق سودان بالیق توتان یولداش‌لاردان اؤزل‌لیک‌له سولچو آدی داشییان‌لاردان ایسته‌ییرم، بئله بیر تارتیشمالارین پوسقوسوندا یاتیب، اؤزلرینه اعتبار قازانماق اوچون شاعیرلریمیزین آدیندان سؤاستفاده ائتمه‌سین‌لر. بو شاعیرلرین سیزه هئچ دخل‌لری (ایلگی‌لری) یوخدورلار. اونلار بیزیم شاعیرلریمیزدیرلر. ات‌لرینی یئسک ده سوموک‌لرینی سیزه ساری آتمایاجاغیق.
6- طایفابازچیلیق‌لارا سون قویون لوطفن! مگر بو شاعیرلر مودئرن اولماق ادعاسیندا دئییل‌لر؟ مودئرن دونیا طایفابازچیلیق دونیاسی دئییل. دوشونجه‌لر دونیاسی دیر.
7- شاعیرلریمیزه قارشی هر تورلو سالدیرینی قیناییرام.
8- بو یازی سون اولای‌لارا توخوناراق ژورنالیستی بیر نثرده یازیلیب‌دیر. وورغولادیغیم مناظره یئرینه گئتسه ادبی تئوریک تمل‌لر اساسیندا تارتیشا بیله‌ریک.

صفحه1 از3

طراحی و توسعه توسط رافق مجتهدزاده خیاوی